News Details

കഴക്കൂട്ടം: ദേശീയ വോട്ടേഴ്സ് ദിനമായ ജനുവരി 25 ന്, മംഗലപുരം ഗ്രാമപഞ്ചായത്ത് ശക്തമായ ജനാധിപത്യത്തിനു തിരഞ്ഞെടുപ്പ് സാക്ഷരത എന്ന മുദ്രാവാക്യവുമായി ഇന്ത്യൻ തിരഞ്ഞെടുപ്പ് കമ്മീഷന്റെ നേതൃത്വത്തിൽ പത്താം ദേശീയ സമ്മതിദായക ദിനം ആചരിച്ചു. എല്ലാ വാർഡുകളിലെയും പുതിയ വോട്ടർ കാർഡുകൾ വിതരണം നടത്തി. ഗ്രാമ പഞ്ചായത്ത് വൈസ് പ്രസിഡന്റ് സുമ ഇടവിളാകം വികസന കാര്യ ചെയർമാന് പുതിയ വോട്ടർ കാർഡ് നൽകിയാണ് ഉത്ഘാടനം നിർവ്വഹിച്ചത്. ആരോഗ്യകാര്യ ചെയർമാൻ വേണു ഗോപാലൻ നായർ, അംഗം വി.അജികുമാർ, സെക്രട്ടറി ജി.എൻ.ഹരികുമാർ, അസിസ്റ്റന്റ് സെക്രട്ടറി സുഹാസ് ലാൽ, സ്റ്റാഫ് സെക്രട്ടറി ഹരികുമാർ, ബി.എൽ.ഒ പ്രീത എന്നിവർ പങ്കെടുത്തു.